بوست رائع لقيت العديدين من اصدقائي عاملين له مشاركة (غالبا لانه عندي
بين 400 و 500 طبيب اشعة و تصوير طبي من الـ1383 صديق في قائمة اصدقائي). و
اعجبني البوست بشدة و حاولت اعمل له مشاركة مع اضافة صورة له بس ما قدرت،
لهذا صممت له صورة بسيطة و قلت اضيفه هنا مع الاشارة لصاحبه (د.محمد سمير
شعبان Mohamed Samir Shaaban) و اضافة رابط البوست الاصلي الموجود هنا:
--------------------------
قواعد الأشعة الأربعون
--------------------------
قواعد الأشعة الأربعون
--------------------------
١- مش مطلوب منك إنك تعرف كل حاجة، بلاش تضغط على نفسك
٢- الأمراض بطبعها بسيطة، حتى تتدخل فيها يد الإنسان ... بلاش تعقد الأمور
٣- وظيفتك لا تلزمك بالحديث مع المرضى .... استغل الميزة دى
٤- أنت لا تعلم كل شئ عن المريض و لو شوفت جميع أشعاته .... بلاش تفتى معاه فى العلاج
٥- مفيش حاجة على وجه الأرض تستاهل انها تخليك تبص فى فحص ناقص أو مش مظبوط
٦- فنجان القهوة و الإضاءة الخافتة و الموسيقى الخفيفة، هم أفضل أصدقاء طبيب الأشعة
٧- زميلك اللى بيحول لك الأشعة، بيكون غالبًا مشخص الحالة بالفعل من قبل ما الأشعة تتعمل أساسًا .... سيبك من خرافة انه بيفهم فى الأشعة أكتر من بتوع الأشعة
٨- لو مش مصدق القاعدة ٧ ... افقعه صور أشعة لمرضى هو مايعرفش عنهم حاجة، و اتفرج على المسخرة
٩- مش كل مرة حتوصل للتشخيص بالظبط .... هدّى أعصابك شوية
١٠- مع إن شغلتك مبنية على التصوير .... لكنها مش حرام
١١- الغالب فى الأمر، إن المريض يكون عنده مرض واحد بس، ساعات بيبقوا مرضين فى نفس الوقت .... لو شخصت تلات أمراض أو أكتر فى نفس العيان و فى نفس الوقت .... عيد نظر فى صنف القهوة اللى بتبلبعه !!
١٢- تخصصك بيوفرلك شوية وقت فراغ مش موجود عند زمايلك فى تخصصات تانية ..... استغل الوقت ده
١٣- تخصصك بيوفرك شوية وقت فراغ مش موجود عند زمايلك فى تخصصات تانية ..... استنضف و شوفلك أصحاب مش دكاترة، لو حد قبل يصاحبك أساسًا
١٤- تخصصك مش بيلزمك إنك تصحى بالليل و تنزل من بيتكم على ملا وشك ..... اتخمد و بلاش تسهر
١٥- عندك زملاء بيباتوا دايمًا فى العناية و فى الطوارئ .... لا تنساهم بالدعاء و انت نايم متدفى فى بيتك
١٦- أسطورة ان مافيش حاجة فى الدنيا زى دعوة مريض انت عالجته دى "فاكسانة"، دعاء أبوك أو أمك أحسن ألف مرة .... ما تخليش حد يأكلك البالوظة
١٧- عيش برنس .... تخصصك بيسمحلك بكده
١٨- القاعدة الذهبية دايمًا: كون إنك ماتشوفش حاجة موجودة، أحسن ألف مرة من إنك تشوف حاجة مش موجودة ...... لو مش متأكد من التشخيص، ببساطة ما تكتبوش
١٩- الأشعة مش كل حاجة .... بلاش تحس دايمًا إن حياة المريض متوقفة على سيادتك !!!
٢٠- افتكر دايمًا .... عيش برنس
٢١- لازم دايمًا تعرف و تعرّف اللى حواليك، إن مقدار المعلومات اللى بتوصلها للطبيب المعالج تتناسب تناسبًا طرديًا مع مقدار المعلومات اللى بيديهالك عن التاريخ المرضى للمريض .... بس كده
٢٢- لو الطبيب اللى حول لك المريض مش راضى يزودك بمعلومات عن المريض .... ببساطة شديدة قول له (أنا مش قادر أديك)
٢٣- ليك زملاء بتوع أشعة برضه، لكن الرب اختارهم فى تخصص الأشعة التدخلية .... لا تنساهم بالدعاء هما كمان
٢٤- دماغك متكلفة قوى .... اشتريها و ابعد عن أى جدال فارغ
٢٥- تخصصك مرتبط بالنظر و بالكلام .... نضف نظرك بكل جميل، و اهتم بحرفة الكلام
٢٦- اقرا كتير فى الأدب بالذات .... حيساعدك قوى فى تكوين الجمل و اختيار الكلام فى شغلتك
٢٧- القرف اللى شوفته فى عنابر كليتك انتهى مع بداية تخصصك ..... احمد ربنا و عيش نضيف
٢٨- حتلاقى زمايلك بتوع باطنة بيتخانقوا مع بتوع جراحة، و بتوع العناية غالبًا حيسبوا ليهم كلهم .... اشترى دماغك و بلاش تتدخل .... إياكشى تولع
٢٩- فى كتير من الأحيان، يكون طبيب الأشعة الشاطر هو اللى بيتكلم بثقة، مش بالضرورة اللي بيتكلم صح
٣٠- طول ما كلامك مش حيؤدى لفتح كرش المريض .... هدى نفسك
٣١- افتكر ..... عيش برنس
٣٢- زميلك بتاع الأشعة اللى بيشخص كل حاجة .... إعرف إنه هجاص
٣٣- من أكتر دكاترة الأشعة إحترامًا .... اللى مش بيتحرج إنه يقول"ماعرفش"
٣٤- عمرك ما حتقدر تعرف كل حاجة ... اختار جزء أو اتنين فى الأشعة و اتخصص فيهم
٣٥- عمرك ما حتقدر تتخصص فى جزء من الأشعة إلا لو لزقت لزمايلك المتخصصين فى الجزء ده
٣٦- لازم لازم حتغلط أكتر من مرة فى حياتك المهنية .... مش نهاية العالم .... اتعلم من خطأك
٣٧- لو قدرت تشخص مريض و خف بسبب تشخيصك، برضه ربنا حيكتبلك الثواب (إن شاء الله) .... مش لازم ربنا يشوفك و إيدك متعاصة بدم العيان عشان يكتب لك الحسنات
٣٨- ألف مرة المريض يدعيلك إنك شفيته ماتساويش مرة واحدة يدعى عليك إنك اتسببت فى أذيته ....... سيبك من أوهام البطولة دى
٣٩- تركيزك متوقف على روقانك ..... خليك دايمًا رايق
٤٠- ما تنساش ..... عيش برنسسسسس
د.محمد سمير شعبان
شارك هذا الموضوع ليستفيد منه أصدقائك
ان عمليه كشف التسربات بالخبر من العمليات الصعبه جدا والتى تحتاج الى ايدى عاله ماهره ومدربه ومجهزه لاداء الاعمال التى تساعدك على كشف التسرب بشكل سريع وامن قبل حدوث الكثير من الاضرار مثل تعرض المبنى للهدم او التشققات فى الاسقف والحوائط والمناور او انهيار شبكة الصرف الصحى او تعرض الاسطح للتشققات او تشققات الخزانات للمياه وكل ما هو مرتبط بالمياه سوف يتأثر سلبا والمياه هى من العوامل الاساسي التى تجعلك تتقدم عزيزى العميل وتكون حياتك تستمر بشكل فعال وناجح فمن منا يستطيع ان يستغنى عن المياه التى هى سر الحياه ولذلك يجب ان تستعين بشركتنا أفضل شركة كشف تسربات المياه بالخبر نساعدك على كشف التسرب ومعالجته ان شاء الله بكل دقه وتميز وبأقل التكاليف نقوم بالحضور بمنتهى السرعه لاننا موجودين على مدار الساعه فى خدمتك وخدمه من حولك وهذا لضمان صحتك وصحه اسرتك التى هى هدفنا فى المقام الاول كل ما عليك ان تتواصل معنا نحن فقط وليس غيرنا نحن شركة كشف تسربات بالخبر لاننا نريد لك كافة الراحه والامان والسلامه فى الاداء تواصل معنا عزيزى العميل فانت الرابح الاول فى الاستفاده من الخدمه المقدمه ولن تجد مثل اسعارنا فليس لنا منافس فى جميع الاحوال فى الخدمه المقدمه بأفضل الاجهزه الحديثه جدا وافضل الايدى العامله الماهره جدا مع فائق احترامنا لك ولرغباتك فمعنا انت الكسبان .
ردحذفhttps://forsan-dmm.com/thanked-detect-leaks-in-khober
للمزيد من خدماتنا
شركة كشف تسربات المياه بالقطيف